Ilir Tolaj ka vendosur të bëjë një instrumental për njeriun që e deshi muzikën e tij, Dino Hasanaj, i cili u vetëvra disa ditë më parë. Tolaj thotë se këtë e ka bërë më shumë si një dedikim për mikun e tij, me të cilin ka kaluar kohë të paharrueshme.

Kishin kaluar shumë kohë së bashku dhe ishin miq të mirë.

Ai ishte një adhurues i madh i muzikës së tij. Është ky Dino Hasanaj më të cilin Iliri kalonte kohë më të, sidomos kur ai ishte i lodhur dhe dëgjonte muzikën e tij.

“Nuk kam shumë koment për këtë instrumental. Ai ishte njeri që përveç tjerash kishte edhe shumë muzikë në zemër”, thotë për Express kompozitori Ilir Tolaj, i cili këtë instrumental e ka bërë më shumë si një dedikim që një shok e bën për shokun sesa për ndonjë gjë tjetër.

“Unë e kam pas nderin që e kam pas mik dhe i falënderohem për kujdesin që ma ka dhënë sa ishte i gjallë. Në mungesë të fjalëve ia dedikova pak nota mikut tim”, ka thënë për gazetën Tolaj.

Tolaj këtë instrumental e ka postuar në llogarinë e tij në Facebook dhe se edhe dëgjimet dhe komentet për të nuk kanë munguar.

Kolegë të tij e kanë dëgjuar këngën dhe njëkohësisht e kanë ngushëlluar atë për vdekjen tragjike të mikut të tij.

Për instrumentalin ai thotë se ishte një shpërthim i momentit.

“Ky ishte një instrumental i papërpunuar dhe thjesht ishte një shpërthim i momentit. Ia bëra mikut një dedikim personal për disa minuta. U ula në studio dhe thashë t’ia kushtoj atij pak nota”, ka thënë në një bisedë të shkurtër për Express.